செந்தில் பாலாஜிக்கு ஐகோர்ட் முன்ஜாமின்

சென்னை : அரவக்குறிச்சி சட்டசபை தொகுதி, தி.மு.க., வேட்பாளர் செந்தில் பாலாஜி, கரூர் லோக்சபா தொகுதி, காங்., வேட்பாளர் ஜோதிமணி உள்ளிட்ட மூவருக்கு, சென்னை உயர் நீதிமன்றம், நிபந்தனை முன்ஜாமின் வழங்கியுள்ளது. போலீசில், கரூர் லோக்சபா தொகுதி தேர்தல் அதிகாரியான, மாவட்ட கலெக்டர் அளித்த புகாரில், 'செந்தில் பாலாஜி மற்றும் ஜோதிமணியின் துாண்டுலில், ௧௦௦ பேர், என் அலுவலகத்துக்குள் அத்துமீறி நுழைய முற்பட்டனர். எனக்கு அச்சுறுத்தல் ஏற்படுத்தும் வகையில் செயல்பட்டனர்' என, கூறியிருந்தார்.
இதையடுத்து, முன்ஜாமின் கோரி, உயர் நீதிமன்றத்தில், செந்தில் பாலாஜி, ஜோதிமணி, வழக்கறிஞர் செந்தில்குமார் ஆகியோர், மனு தாக்கல் செய்தனர். மனு, நீதிபதி, ஆர்.சுப்ரமணியன் முன், விசாரணைக்கு வந்தது. மூவருக்கும் முன்ஜாமின் வழங்கி, நீதிபதி உத்தரவிட்டார்.கரூர் மாவட்டம், தான்தோன்றிமலை போலீஸ் நிலையத்தில், திங்கள், புதன் மற்றும் வெள்ளியன்று, ஜூன், ௧ வரை ஆஜராகும்படி, மூவருக்கும் நிபந்தனை விதிக்கப்பட்டது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)