தரம் தாழ்ந்த பிரசாரம் ஒழிக...

சென்னை: இந்த தேர்தலில், நாடு முழுக்க, மதத்தையும், ஜாதியையும் முன்வைத்து, பிரசாரம் தீவிரமாக நடந்து வருகிறது. பிரசாரத்தின் போது கடைபிடிக்கப்பட வேண்டிய விதிமுறைகளை, அனைத்து கட்சிகள், வேட்பாளர்களுக்கு தேர்தல் ஆணையம் பரிந்துரை செய்திருந்தாலும், பெரும்பாலான கட்சிகளின் வேட்பாளர்கள், அதை கடைபிடிப்பதில்லை.


ஹர்ப்ரீத் மன்சுகானி என்ற வெளிநாட்டுவாழ் இந்தியர் , '2019 லோக்சபா தேர்தலில், மதத்தின் பெயராலும், இனத்தின் பெயராலும், பிரிவினை உண்டாக்கும் வகையில், பிரசாரம் நடக்கிறது. இதை தடுக்க, தேர்தல் ஆணையம் தவறி விட்டது. சுப்ரீம் கோர்ட் தலையிட வேண்டும்' என்று வழக்கு தொடர்ந்தார். விசாரணையின்போது, ஆணையம் தெரிவித்த பதில் கோர்ட்டுக்கே அதிர்ச்சி அளித்தது. 'உ.பி., முதல்வர் யோகியும், பகுஜன் சமாஜ் தலைவர் மாயாவதியும் பிரிவினையை துாண்டும் வகையில் பேசியதற்கு என்ன நடவடிக்கை எடுத்தீர்கள்' என்று தலைமை நீதிபதி கேட்டபோது, 'இருவரிடமும் விளக்கம் கேட்டுள்ளோம்' என்றது ஆணையம்.


தலைமை நீதிபதி விடவில்லை, 'உங்கள் நோட்டீஸ்படி அவர்கள் ஏப்., 12க்குள் பதில் அளித்திருக்க வேண்டும். இன்று தேதி, 15. இன்னும் பதிலளிக்கவில்லை. நீங்கள் என்ன செய்தீர்கள்? ' என்று கேட்டார். அதற்கு தேர்தல் ஆணைய வக்கீல், 'அறிவுரை அனுப்பியுள்ளோம். இது குறித்து புகார் அளிப்போம்' என்றார்.'தேர்தல் ஆணையம், பல்லில்லாத அமைப்பு. வெறுப்பை துாண்டும் பேச்சுக்களை தடுக்கவோ, நடவடிக்கை எடுக்கவோ உங்களுக்கு எந்த அதிகாரமும் இல்லை என்று கூறலாமா ' என்று கேட்டார் தலைமை நீதிபதி. 'கட்சி அங்கீகாரத்தை, ரத்து செய்யவோ, வேட்பாளரை தகுதி நீக்கவோ எங்களுக்கு அதிகாரம் இல்லை' என்று ஆணைய வக்கீல் சொன்னார்.


ஆணையத்தின் அதிகாரங்கள் குறித்து, விரிவாக விசாரிக்கப் போவதாக, கூறி, வழக்கை தள்ளி வைத்தது கோர்ட். கோர்ட்டில் இந்த கடுமையான கேள்விகளுக்கு பிறகே, தேர்தல் ஆணையம், மாயாவதிக்கு ஏப்., 16 முதல், 48 மணி நேரம் பிரசாரம் செய்ய தடை விதித்தது. முதல்வர் யோகியும் ஏப்., 16 முதல், 72 மணி நேரம் பிரசாரம் செய்ய தடை விதித்தது.




தமிழகத்திலும், வெறுப்புணர்வை துாண்டும் பேச்சு மட்டுமின்றி, தரக் குறைவான பிரசாரமும் நடந்தது. முதல்வர் பழனிசாமியை, 'மண்புழு' என்றார் ஸ்டாலின். ஒவ்வொரு கூட்டத்திலும், பழனிசாமியை, 'எடுபிடி முதல்வர்' என்றார். 'இந்த தேர்தலோடு, பழனிசாமியின் அரசியல் வாழ்க்கை அஸ்தமனமாகி விடும்' என்றார்.பதிலுக்கு பழனிசாமி, 'நான் பேச ஆரம்பித்தால், ஸ்டாலின் காது ஜவ்வு கிழிந்து விடும்' என்றார். முந்தைய தேர்தல்களிலும், மூன்றாம் தர பேச்சுக்களை கேட்டுள்ளோம். அவ்வாறு பேசுபவர்கள், கட்சிகளின், மூன்றாம் கட்ட தலைவர்களாக இருப்பார்கள். அது, மக்களிடம் தாக்கத்தை உண்டு பண்ணியதில்லை. இன்றோ, கட்சியின் தலைவரே தரக்குறைவாக பேசுவதால், மற்றவர்கள் இன்னும் தரம் தாழ்ந்து பேசுகின்றனர். ஜெயலலிதாவோ, கருணாநிதியோ, பிரசாரத்தை நாசூக்காக கையாள்வர். தவறான வார்த்தை பிரயோகங்களால், எதிர்க்கட்சிகள் சர்ச்சையை ஏற்படுத்த இடம் தரக் கூடாது என்பதில் கவனமாக இருப்பர்.


பேசுவதற்கு பிரச்னைகள் இல்லாமல் இல்லை. அவற்றை பேசாமல், 'உனக்கு திராணி இருக்கிறதா, என் திராணியோடு உன்னால் மோத முடியுமா' என, தெருச்சண்டை போடுகின்றனர். தேர்தலில், வெல்வதும், தோற்பதும் இயல்பான ஒன்று. தேர்தலை கடந்து, மேடை நாகரிகத்தை, பேண வேண்டியது அனைவரின் கடமை. வெற்றி பெற்றே ஆகவேண்டிய நெருக்கடியில், தி.மு.க., - - அ.தி.மு.க., இரண்டுமே, முகம் சுளிக்கும் வகையில் பிரசாரம் செய்தது, ஏற்க முடியாத விஷயம்.


தமிழ் இலக்கியத்தையும், தமிழர் பெருமையையும் பேசி வளர்ந்த திராவிட இயக்கங்களின் இந்த வீழ்ச்சி, வேதனை தருகிறது. பிரசாரம் முடிந்து விட்டதால், இனி இவர்கள் பேசுவதற்கு எதுவும் இல்லை. அடுத்து வரக்கூடிய தேர்தல்களிலாவது நாகரிகமான பிரசாரம் செய்து மக்களை கவர வேண்டும். அதற்குள் சுப்ரீம் கோர்ட் தயவில் தேர்தல் ஆணையத்துக்கு ஏதாவது அதிகாரமும், உறுதியான புத்தியும் கிடைத்து, அநாகரிக பிரசாரத்துக்கு எதிராக நடவடிக்கை எடுக்க தயாராகும் என்று நம்புவோம்.


Asagh busagh - Munich,ஜெர்மனி
18-ஏப்-2019 00:00 Report Abuse
Asagh busagh தலைவர்களும் மக்களின் வழியை தங்கள் வழியாக்கிவிட்டார்கள். இதையெல்லாம் கவனிக்கும்போது மனம்வேதனையாக உள்ளது.
peter johnson - Subang Jaya,மலேஷியா
17-ஏப்-2019 20:29 Report Abuse
peter johnson மக்களவைப் பரப்புரைகள் நாகரிக முறையில் நேர்மையுடன் நடத்தப்பட வேண்டும். நன்னெறிக் கோட்பாட்டைப் பின்பற்றாத கட்டசி வேட்பாளுக்கு மக்கள் 'கல்தா' கொடுக்க வேண்டும்.
Natarajan Ramanathan - தேவகோட்டை,இந்தியா
17-ஏப்-2019 19:41 Report Abuse
Natarajan Ramanathan ஏப்ரல் 12க்குள் பதில் தரவேண்டும். இன்று தேதி 15 என்று சொன்ன உச்ச நீதிமன்றம் பதில் கொடுத்தால் மட்டும் என்னத்த செய்யும். கோடை விடுமுறைக்கு பிறகு விசாரிக்கிறோம் என்று ஜூலைமாதம் வரை ஒத்தி வைப்பார்கள். பிறகு அடுத்த தேர்தல்வரை விசாரிப்பார்கள்.
அசோக்ராஜ் - சேலம் ,இந்தியா
17-ஏப்-2019 19:22 Report Abuse
அசோக்ராஜ் வெறும் சினிமாக்காரன் ராஜன் சின்மயியை சிதைக்க பத்து பேரை அனுப்புவேன் என்று படவிழாவில் பேசி கைத்தட்டு வாங்குகிறான். அப்போ அரசியல்வியாதி அதைத்தாண்டி பேச வேண்டாமா? டாஸ்மாக் தமிழனிடம் பொருளாதாரம், புவியியல், அறிவியல், ராணுவம், நிதி மேலாண்மை என்றெல்லாம் பேசியா வோட்டு கேட்க முடியும்? ப்ராக்டிகலா இருங்க சார்.
17-ஏப்-2019 20:40Report Abuse
Arunachalamமிகச் சரியாக சொன்னீர்கள். இந்த மக்கள் யாரும் இருக்கும் பிரச்சினைகள் அதற்கு தீர்வு என்ன என்று பேச ஆரம்பித்தால் கேட்கும் நிலையில் இல்லை. இன்றும் பாருங்கள் காவிரி, கச்சத்தீவு மற்றும் இலங்கை படுகொலை இவற்றை பிடித்து தொங்குகிறார்கள்....
Lion Drsekar - Chennai ,இந்தியா
17-ஏப்-2019 18:52 Report Abuse
Lion Drsekar இந்தியாவில் தேர்தல் நேரத்தில் மட்டும் அசிங்கமாக பேசுகிறார்கள், ஆனால் தமிழகத்தில் தினம் தினமும் காலை முதல் மாலை வரை இந்துக்களை மிக மிக கடுமையாக கேவலமாக காதால் கேட்க முடியாக அளவிற்கு மிக மிக கேவலமாக பேசுவதையே தொழிலாகக் கொண்டு இயங்கும் இயக்கங்கள் 60 ஆண்டுகாலமாக கோலோச்சி இன்று பல லட்சம் கோடிக்கு அதிபதியாக சர்வாதிகாரியாக வாழ்ந்து கொண்டு இருக்கிறதே இதற்கும் நீதியரசர் தானாக முன்வந்தால் மட்டுமே அமைதிப்பூங்காவாக இருக்கும், இல்லையென்றால் , ...? வந்தே மாதரம்
Gopi - Chennai,இந்தியா
17-ஏப்-2019 18:22 Report Abuse
Gopi ஸ்டாலின் நிறைய கற்றுக்கொள்ள வேண்டும். இவரெல்லாம் ஆட்சிக்கு வந்தால் என்ன ஆகும். திருப்பி ஒரு கேள்வி கேட்டதுக்கே உடம்பை பீய்த்துவிடுவேன் என்று முதல்வரை பார்த்து எகிறுகிறார். கிரிமினல்களை ஜாமினில் எடுக்கிறார்கள், காலையில் போட்ட வழக்கை தங்களுக்கு சாத்தியமில்லை எனில் சாயந்திரம் வாபஸ் வாங்குகிறார்கள். இதுவா அழகு
kathir -  ( Posted via: Dinamalar Android App )
17-ஏப்-2019 18:22 Report Abuse
kathir need amendments in representation of people act to disqualify candidates and party
Jaya Ram - madurai,இந்தியா
17-ஏப்-2019 17:49 Report Abuse
Jaya Ram இவ்வளவு ஏன் முன்னாள் பிரதமர் இந்திரா காந்திக்கே விதவை பென்ஷன் தருவதாக கூறியவர் தான் இந்த கருணாநிதி
சுந்தரம் - Kuwait,குவைத்
17-ஏப்-2019 17:43 Report Abuse
சுந்தரம் கருணாநிதி, பிரசாரத்தை நாசூக்காக கையாள்வர் என்ற சொற்கள் தினமலரின் 2019 ல் புதிய கண்டுபிடிப்பு.
17-ஏப்-2019 20:46Report Abuse
Arunachalam.இந்த நிலையில் பரப்புரை இருக்கிறது என்றால் அதற்கு காரணகர்த்தா தானை தான்....
saravanakumar - CHENNAI,இந்தியா
17-ஏப்-2019 17:29 Report Abuse
saravanakumar தேர்தல் ஆணையத்தை உச்ச கோர்ட் கேள்வி கேக்குதா?? சிதம்பரம் மேல என்ன நடவடிக்கை எடுத்தாங்க இதே கோர்ட்? அரெஸ்ட் பண்ண கூடாதுன்னு வாய்தா மேல வாய்தா கொடுத்ததை தவிர???
மேலும் 15 கருத்துக்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)