அரசு ஊழியர்களின் ஆயுதம் தபால் ஓட்டு! 'ஒரு விரல் புரட்சி'யால் யாருக்கு ஆபத்து?

தமிழகத்தில், லோக்சபா தேர்தலுக்கான தபால் ஓட்டுப்பதிவு துவங்கி விட்டது. செல்லாத ஓட்டுகளே இல்லாமல், அரசு ஊழியர்கள் மற்றும் ஆசிரியர்கள், தபால் ஓட்டுகளை அளிக்க சபதம் எடுத்துள்ளனர். இவர்களின் சபதம், தேர்தலில் யாருக்கு சாதகமாக அமையப் போகிறது என்ற எதிர்பார்ப்பு, மாநிலம் முழுவதும் எழுந்துள்ளது.

போலீசார் ஓட்டு:



தமிழகத்தில், லோக்சபா மற்றும் 18 சட்டசபை தொகுதிகளின் இடைத் தேர்த லுக்கான ஓட்டுப்பதிவு, 18ம் தேதி நடக்கிறது. தேர்தல் பணியில் ஈடுபடும், அரசு ஊழியர்கள் மற்றும் ஆசிரியர்களுக்கான தபால் ஓட்டுப்பதிவு நடந்துள்ளது. அடுத்து, போலீசாருக்கான ஓட்டுப்பதிவு நடந்து வருகிறது. கடந்த சட்டசபை தேர்தலில், ஓட்டு எண்ணிக்கையின் போது, தபால் ஓட்டுகளில் சிறிய தவறுகளால், முடிவுகளே மாறின. தபால் ஓட்டுக்கு, ஓட்டு சீட்டுடன் இணைக்க வேண்டிய படிவத்தில், அரசிதழ் பதிவு பெற்ற அலுவலரிடம், ஆசிரியர்கள் மற்றும் அரசு ஊழியர்கள் கையொப்பம் பெற வேண்டும்.

ஆனால், 2016 தேர்தலில், ராதாபுரம் சட்டசபை தொகுதியில், உரிய அலுவலரிடம் கையொப்பம் பெறவில்லை என்று காரணம் காட்டி, 250க்கும் மேற்பட்ட ஆசிரியர்களின் ஓட்டுகள் செல்லாததாக அறிவிக்கப்பட்டன. இந்த முடிவால், அந்த தொகுதியின் வெற்றி வாய்ப்பே மாறியது. தபால் ஓட்டுகளில், சிறிய தவறு நேர்ந்தாலும், அவை செல்லாததாக மாறும் என்பதால், இந்த முறை ஆசிரியர்கள் மற்றும் அரசு ஊழியர்கள் உஷாராக உள்ளனர். தபால் ஓட்டு போடுவது குறித்து, தேர்தல் பணியில் ஈடுபடுவோருக்கு பயிற்சி அளிக்கப்படுகிறது. இருப்பினும், பயிற்சியை சரிவர கடைப்பிடிக்காமல், அரசு ஊழியர்கள் மற்றும் ஆசிரியர்கள் சிலர், அலட்சியப்படுத்தி விடுகின்றனர்.

செல்லாமல் போவது ஏன்?



தபால் ஓட்டுக்கான கவருக்குள், உறுதி மொழி படிவமும், ஓட்டுச் சீட்டும், இரு சிறிய கவர்களில், தனித்தனியாக இருக்கும். உறுதி மொழி படிவத்தில், வாக்காளர் பெயர், அவரின் கையெழுத்து, அங்கீகரிக்கும் அதிகாரியின் கையெழுத்து, ஓட்டுச் சீட்டின் வரிசை எண் போன்ற விபரங்கள் இருக்க வேண்டும். இவற்றில் ஏதாவது ஒன்று இல்லை அல்லது சரியாக இல்லை என்றாலும், உறுதி மொழி படிவம் ஏற்கப்படாது; உறுதி மொழி படிவம் ஏற்கப்படாத நிலையில், அவரது தபால் ஓட்டுக்கான கவர் பிரிக்கப்படாமல், தகுதியற்றதாக அறிவிக்கப்படும்.

உறுதி மொழி படிவத்தில் அனைத்தும் சரியாக இருந்தால், ஓட்டுச் சீட்டுக்கான கவர் பிரிக்கப்படும். ஓட்டுச்சீட்டில், ஓட்டு பதிவாகாமல் இருந்தாலோ, ஒன்றுக்கும் மேற்பட்ட முறை பதிவு செய்திருந்தாலோ, ஓட்டுச் சீட்டு கிழிந்து, நனைந்து இருந்தாலோ ஏற்கப்படாது. ஓட்டுச் சீட்டு, உரிய கவருக்குள் வைக்கப்பட்டிருக்க வேண்டும். அவ்வாறு வைக்கப்படாமல், வேறு கவருக்குள் இருந்தாலும், செல்லாததாக அறிவிக்கப் படும்.

கடும் போட்டி நிலவும் தொகுதிகளில், ஓட்டு எண்ணிக்கை தொடர்பான சந்தேகங்கள் எழும்போது, வேட்பாளரின் வெற்றி வாய்ப்பை நிர்ணயிப்பதாக, தபால் ஓட்டுகள் மாறி விடுவதுண்டு. அதாவது, வெற்றி பெற்றவருக்கும், தோல்வி அடைந்தவருக்கும் உள்ள வித்தியாசத்தை விட, மொத்த தபால் ஓட்டுகளின் எண்ணிக்கை குறைவாக இருந்தால், அனைத்து தபால் ஓட்டு களையும், தேர்தல் நடத்தும் அதிகாரி, பார்வையாளர் உள்ளிட்ட அதிகாரிகள், மீண்டும் எண்ண வேண்டும்.

யாருக்கு சாதகம்?



'தபால் ஓட்டுகள், வேட்பாளரின் தலைவிதியை நிர்ணயிக்கும் சக்தியாக மாறக்கூடியது என்பதால், 'ஒரு விரல் புரட்சி'யாக, இந்த முறை தபால் ஓட்டுகளை கூடுதல் கவனத்துடன் போடுவோம்' என, சபதம் எடுத்து, அரசு ஊழியர்களும், ஆசிரியர்களும் களத்தில் குதித்துள்ளனர். அவர்களின் ஒரு விரல் புரட்சி யாருக்கு மகுடம் சூட்டும்; யாரை வீட்டுக்கு அனுப்பும் என்பதை அறிய, மே, 23 வரை பொறுத்திருப்போம்.

'ஆன்லைன்' ஓட்டு:



தபால் ஓட்டு முறையை மாற்றி, 'ஆன்லைன்' வழியாக ஓட்டளிக்கும் முறையை, தேர்தல் ஆணையம் பரீட்சார்த்த முறையில் சோதித்துப் பார்த்திருக்கிறது. தபால் ஓட்டு செலுத்துவோர், 'இ - மெயில்' அல்லது மொபைல் போன் வழியாக ரகசிய எண்ணை பெற்று, தபால் ஓட்டுச் சீட்டை, ஆன்லைனில் பதிவிறக்கம் செய்து கொள்ள முடியும். இதை உறுதி செய்து கொள்ள, தனிப்பட்ட அடையாள எண்ணையும், அங்கு பெற்றுக்கொள்ள முடியும். அதன்பின், பதிவு செய்யப்பட்ட ஓட்டுகளை, தேர்தல் நடத்தும் அதிகாரிக்கு தபாலில் அனுப்பி வைக்க வேண்டும். ஆனால், இந்த முறை முழுமையாக அமலுக்கு வரவில்லை.

சந்தேகம் கிளப்புவது ஏன்?



வழக்கமாக, தபால் ஓட்டுகளில், தி.மு.க., முன்னிலையில் இருப்பது வழக்கம். சமீபகாலமாக, அ.தி.மு.க.,வுக்கும், தபால் ஓட்டுகள் பதிவாகி வருகின்றன. தபால் ஓட்டுகள், அ.தி.மு.க.,வுக்கு சாதகமாக இருந்தால், தி.மு.க.,வும், தி.மு.க.,வுக்கு சாதகமாக இருந்தால், அ.தி.மு.க.,வும் மாறி மாறி, இதில் சந்தேகத்தைக் கிளப்புவது வழக்கம். இந்த முறை எப்படி என்பதைப் பார்க்க, ஒரு மாதத்திற்கு மேல் காத்திருக்க வேண்டும்.

- நமது நிருபர் -


இந்தியன் kumar - chennai,இந்தியா
15-ஏப்-2019 14:58 Report Abuse
இந்தியன் kumar தேர்தல் முடிவில் தெரியும் எத்தனை ஆசிரியர்கள் அரசு ஊழியர்கள் நல்லவர்கள் என்பது தெரிய வரும்.
Uthiran - chennai,இந்தியா
15-ஏப்-2019 14:12 Report Abuse
Uthiran பொதுவாக அரசு ஊழியர்களில் பெரும்பாலானோர் (குறிப்பாக ஆசிரியர்கள்) திமுக அனுதாபிகள் என்பதில் மாற்று கருத்து இல்லை. மாத சம்பளம் வாங்குபவர்களுக்கு (வருட வருமானம் 75000 க்கு மேல்) வருமானவரி என்ற பெரும் சுமையை ஏற்றுவதற்கு திமுக கூட்டணி யான காங்கிரஸ் கட்சி தயாராக இருக்கிறது என்பதை நினைவில் கொண்டு வாக்களிக்கட்டும்.
MIRROR - Kanchipuram,இந்தியா
15-ஏப்-2019 15:27Report Abuse
MIRRORஆடு நனைகிறது என ஓநாய் கவலைப் படுவது போன்று உள்ளது...
oce - chennai,இந்தியா
15-ஏப்-2019 13:58 Report Abuse
oce அரசு ஊழியர்களுக்கு வாக்களிக்கும் உரிமை இல்லை என்றால் அவர்கள் எந்த கட்சி சார்புமின்றி தேர்தலை நடு நிலையுடன் நடத்துவார்கள்.
MIRROR - Kanchipuram,இந்தியா
15-ஏப்-2019 15:25Report Abuse
MIRRORமக்களுக்கும் வாக்குரிமையை எடுத்துவிட்டு ஒட்டுமொத்தமாக டெண்டர் விடச்சொல்லுவீர்கள் போல தெரியுதே, ஓசி...
15-ஏப்-2019 12:16 Report Abuse
அண்ணாமலை ஜெயராமன் அரசு ஊழியர்கள் அரசாங்கத்தை முடிவு செய்வார்கள் என்றால் நாளை மக்களின் வரிப்பணம் முழுவதும் அவர்களுக்கு சம்பளமாக சென்று விடும், ஏற்கெனவே மக்களின் வரிப்பணம் 50 % மேல் இவர்களுக்கு சம்பளமாக கொடுக்கப்படுகிறது , அது போதவில்லை என்று போராடி வருகிறார்கள். அதிமுக மட்டுமே இவர்களை அடக்கி வைத்திருக்கும் என்பதை மக்கள் உணரவேண்டும்.
MIRROR - Kanchipuram,இந்தியா
15-ஏப்-2019 15:24Report Abuse
MIRRORஅரசு ஊழியர்களும் வாக்காளன் என்பதை மறந்துவிடக் கூடாது. அரசு ஊழியர்கள் மைனாரிட்டி, அவர்களால் ஒன்றும் செய்ய முடியாது என்று இத்தனை நாட்களாக கூவிவிட்டு இப்போது பதறுவது ஏன்?...
Prabu.KTK - Coimbatore,இந்தியா
15-ஏப்-2019 10:48 Report Abuse
Prabu.KTK இந்துக்கள் அனைவரும் ஒன்று பட்டு , ஹிந்து விரோத , தீய சக்தியான திமுகா வை தமிழ் நாட்டை விட்டே விரட்ட வேண்டிய காலம் இது ஹிந்துக்களே ஒன்று படுவீர்
சிற்பி - Ahmadabad,இந்தியா
15-ஏப்-2019 09:42 Report Abuse
சிற்பி மக்கள் ஐந்நூறு ஆயிரம் என்று வாங்கி வோட்டு போடுகிறார்கள் என்றால் இந்த பணக்கார ஏழைகள் தங்களுக்கு வாரி வழங்கி கஜானாவை காலி செய்யும் கட்சிக்கு மட்டும் தான் வோட்டு போடுவார்கள் என்பது திண்ணம். இப்படி இவர்கள் வோட்டு போடுவதால் கஜானாவை காலி செய்வதிலேயே குறியாய் இருக்கும் கட்சிக்கு தான் வோட்டு. நாடு நாசமாய் போனால் நமக்கென்ன ? இது தான் கழகங்களின் கண்ணிய ஆட்சி கொடுத்துள்ள எதிர்வினை.
துயில் விரும்பி - coimbatore,இந்தியா
15-ஏப்-2019 09:27 Report Abuse
துயில் விரும்பி எது நடந்தாலும் மக்களுக்கு தான் ஆப்பு ஆபத்து. தேர்தல் முடிந்த இவன் எல்லா அரிசியால் வியாதிகளும் அவர்கள் வேலையை காட்ட ஆரம்பித்துவிடுவார்கள் மக்கள் வழக்கம் போல் உழைத்து தான் வீட்டையும் தன்னையும் காப்பாற்றிக்கொள்ளவேண்டும். இதை உணர்ந்தாலே மாற்றம் வந்துவிடும். திருந்துங்கடா சாகரத்துக்குள்ள
சீனு, கூடுவாஞ்சேரி இந்த தேர்தலில் தான் தேர்தல் பணியில் ஈடுபட்டுள்ள அனைத்து அரசு அதிகாரிகளும் தபால் ஓட்டு போடும் வாய்ப்பு கிடைத்துள்ளது.இதற்கு முன்பு தபால் ஓட்டு பதிவு என்பது சிரமமான காரியம். கிட்டத்தட்ட அனைத்து அரசு ஊழியர்களும் திமுக அனுதாபிகள் என்று தெரிந்த நிலையிலும் இந்த மோடி அரசு தைரியமாக நடப்பது நடக்கட்டும் என்று அவர்களின் உரிமையை நிலை நாட்டியிருப்பது பாராட்ட வேண்டிய ஒன்று.
Nallavan Nallavan - Kolkata,இந்தியா
15-ஏப்-2019 08:16 Report Abuse
Nallavan Nallavan மொத்த வாக்காளார்களில் அவர்களது சதவிகிதம் எவ்வளவு ??
சீனு, கூடுவாஞ்சேரிஒவ்வொரு தொகுதியிலும் சுமார் எட்டு நூறு முதல் ஆயிரம் தபால் ஓட்டுக்கள் உண்டு.ஓரு சில இடங்களில் இந்த ஓட்டுகள் வெற்றியை நிர்ணயம் செய்து விடும்....
MIRROR - Kanchipuram,இந்தியா
15-ஏப்-2019 22:07Report Abuse
MIRRORஅவர்களின் சதவீதம் எவ்வளவு என்றால், வெற்றி பெறுபவருக்கும் தோற்பவருக்கும் உள்ள வித்தியாசம் என்று சொல்லுவாகளே அந்த சதவீதம்....
Srinivasan Kannaiya - muscat ,ஓமன்
15-ஏப்-2019 07:39 Report Abuse
Srinivasan Kannaiya ஜெ காலத்தில் இருந்து அரசு ஊழியர்களுக்கு அ.தி.மு.க., என்றால் ஏழாம் பொருத்தம்
மேலும் 11 கருத்துக்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)